اسلام آباد ( پاک ترک نیوز) پاکستان بھر کی بجلی تقسیم کار کمپنیوں کے نیٹ ورک میں 21 لاکھ 25 ہزار 296 اسمارٹ بجلی میٹرز نصب کیے جاچکے ہیں۔وزارت توانائی کی جانب سے سینیٹ میں جمع کرائے گئے تحریری جواب کے مطابق لیسکو اسمارٹ میٹرز کی تنصیب میں سب سے آگے ہے، جہاں 11 لاکھ 53 ہزار 556 اسمارٹ میٹرز نصب کیے گئے ہیں۔گوجرانوالہ الیکٹرک پاور کمپنی نے 3 لاکھ 48 ہزار 135، ملتان الیکٹرک پاور کمپنی نے 2 لاکھ 29 ہزار 719 جبکہ اسلام آباد الیکٹرک سپلائی کمپنی نے 1 لاکھ 19 ہزار 372 اسمارٹ میٹرز نصب کیے ہیں۔
فیصل آباد الیکٹرک سپلائی کمپنی میں 1 لاکھ 11 ہزار 948، پشاور الیکٹرک پاور کمپنی میں 60 ہزار 685 جبکہ کے الیکٹرک میں 50 ہزار 599 اسمارٹ میٹرز نصب ہوچکے ہیں۔حیدرآباد الیکٹرک سپلائی کمپنی نے 19 ہزار 620، سکھر الیکٹرک پاور کمپنی نے 13 ہزار 432 اور کوئٹہ الیکٹرک سپلائی کمپنی نے 9 ہزار 194 اسمارٹ میٹرز نصب کیے ہیں۔ہزارہ الیکٹرک سپلائی کمپنی میں 7 ہزار 659 جبکہ قبائلی الیکٹرک سپلائی کمپنی کے نیٹ ورک میں سب سے کم 1 ہزار 377 اسمارٹ میٹرز نصب کیے گئے ہیں۔
یہ بھی پڑھیں: وزیراعلیٰ مریم نواز کی چین میں شن جیانگ کے پارٹی سیکریٹری سے ملاقات، زراعت، ٹیکنالوجی اور صنعت میں تعاون بڑھانے پر اتفاق
وزارت توانائی کے مطابق اسمارٹ میٹرز کی تنصیب سے بجلی کے استعمال کی بہتر نگرانی، ریڈنگ میں شفافیت اور بجلی کے نظام کو جدید بنانے میں مدد ملے گی۔
