اسلام آباد ( پاک ترک نیوز) حکومت نے بانی پی ٹی آئی عمران خان کو شفا اسپتال منتقل کرنے سے متعلق سپریم کورٹ کے حکم کے خلاف عدالتِ عظمیٰ میں نظرِثانی درخواست دائر کردی۔چیف کمشنر اسلام آباد کی جانب سے ایڈووکیٹ جنرل کے توسط سے درخواست سپریم کورٹ میں دائر کی گئی۔درخواست میں استدعا کی گئی ہے کہ سپریم کورٹ اپنے 18 اگست کے فیصلے پر نظرِثانی کرے اور حکم واپس لیا جائے۔حکومت کی جانب سے مؤقف اختیار کیا گیا ہے کہ جیل رولز میں قیدی کو اسپتال منتقل کرنے کا باقاعدہ طریقہ کار واضح کیا گیا ہے، تاہم سپریم کورٹ کا گزشتہ روز کا فیصلہ جیل رولز کو نظرانداز کرتے ہوئے جاری کیا گیا۔
یہ بھی پڑھیں: بانی پی ٹی آئی کی اسپتال منتقلی پر وفاقی حکومت کا اعتراض
درخواست میں کہا گیا ہے کہ عدالت نے پاکستان پریزن رولز اور متعلقہ قانون کے طریقہ کار سے ہٹ کر حکم جاری کیا۔حکومت نے عدالتِ عظمیٰ سے استدعا کی ہے کہ بانی پی ٹی آئی کی شفا اسپتال منتقلی سے متعلق جاری حکم پر نظرِثانی کی جائے۔
