اسلام آباد(پاک ترک نیوز) بانی پی ٹی آئی کو شفا انٹرنیشنل اسپتال منتقل کرنے کے عدالتی حکم پر وفاقی حکومت نے اعتراض اٹھا دیا۔ ایڈیشنل اٹارنی جنرل نے مؤقف اختیار کیا کہ حکومت کو اسپتال منتقلی کے معاملے پر نوٹس ہی جاری نہیں کیا گیا۔
سماعت کے دوران سپریم کورٹ کے جسٹس شاہد وحید نے بانی پی ٹی آئی کی صحت سے متعلق میڈیکل رپورٹس کا حوالہ دیتے ہوئے ریمارکس دیے کہ میڈیکل رپورٹس کے مطابق جیل میں بانی پی ٹی آئی کے اعضاء متاثر ہونا شروع ہوگئے ہیں۔
جسٹس شاہد وحید نے مزید ریمارکس دیے کہ بانی پی ٹی آئی کی نبض اور دل کی حالت نارمل نہیں، جبکہ وہ ذہنی اضطراب کا بھی شکار ہیں۔
یہ بھی پڑھیں: سپریم کورٹ نے بانی پی ٹی آئی کے علاج پر سیاست سے روک دیا
اس موقع پر جسٹس نعیم اختر افغان نے ریمارکس دیے کہ بانی پی ٹی آئی کی بیماری پر سیاست نہ کریں بلکہ ان کی بہتری کی بات کریں۔
عدالت نے فریقین پر زور دیا کہ بانی پی ٹی آئی کے علاج اور صحت کے معاملے کو سیاسی تنازع بنانے کے بجائے ان کے علاج اور بہتری کو ترجیح دی جائے۔
