اسلام آباد( پاک ترک نیوز) بانی پی ٹی آئی کی بہن عظمیٰ خان کی جانب سے دائر توہین عدالت کی درخواست پر سپریم کورٹ کا اعتراض دور کرکے درخواست دوبارہ دائر کردی گئی۔ذرائع کے مطابق سپریم کورٹ کے رجسٹرار آفس نے درخواست پر اعتراض عائد کیا تھا کہ توہین عدالت کے مرتکب قرار دیے گئے افراد کو الزامات کی فہرست فراہم نہیں کی گئی، تاہم اب یہ اعتراض دور کرکے درخواست دوبارہ عدالت میں جمع کرا دی گئی ہے۔
عظمیٰ خان کی درخواست میں بانی پی ٹی آئی سے ملاقات اور ان کی صحت سے متعلق معاملات پر عدالت سے مداخلت کی استدعا کی گئی ہے۔چیئرمین تحریک انصاف بیرسٹر گوہر نے سپریم کورٹ سے استدعا کی ہے کہ درخواست کو آج ہی نمبر الاٹ کرکے پرسوں سماعت کے لیے مقرر کیا جائے۔بیرسٹر گوہر کا کہنا ہے کہ بانی پی ٹی آئی کی صحت انتہائی اہم ہے اور ان کے اہلخانہ کو بھی ان سے ملاقات کی اجازت ملنی چاہیے۔
یہ بھی پڑھیں: وزیراعلیٰ پنجاب مریم نواز چین کے 4 روزہ سرکاری دورے پر روانہ
انہوں نے عدالت سے مطالبہ کیا کہ بانی پی ٹی آئی کی صحت اور اہلخانہ سے ملاقات کے معاملے پر فوری سماعت کی جائے تاکہ صورتحال کا جائزہ لیا جاسکے۔
