لاہور( پاک ترک نیوز) دماغ میں صرف 11 ملی میٹر کی رسولی۔۔۔ایک ملی میٹر کی غلطی بھی بینائی چھین سکتی تھی۔۔۔لیکن جدید ٹیکنالوجی نے ناممکن کو ممکن بنا دیا!لندن میں دنیا کی پہلی کامیاب اے آئی معاون دماغی سرجری، 48 سالہ شخص کی بینائی بچالی گئی۔یہ عام آپریشن نہیں تھا۔۔۔یہ انسانی دماغ کے انتہائی حساس حصے میں ایک ایسا آپریشن تھا جس میں ذرا سی غلطی مریض کو ہمیشہ کے لیے اندھا کرسکتی تھی۔
یہ بھی پڑھیں: مکھی کے دماغ کا مکمل نقشہ تیار، سائنسدان بھی حیران!
لندن کے نیشنل ہسپتال فار نیورولوجی اینڈ نیوروسرجری میں ڈاکٹروں نے دماغی رسولی نکالنے کے لیے پہلی مرتبہ مریض پر مصنوعی ذہانت کی مدد حاصل کی۔مریض رائس ہِبرٹ کے دماغ میں پیٹیوٹری گلینڈ کے قریب صرف 11 ملی میٹر کی رسولی موجود تھی۔
یہ وہ مقام ہے جہاں خون کی شریانیں، اعصاب اور بینائی کو کنٹرول کرنے والے انتہائی حساس حصے ایک دوسرے کے قریب ہوتے ہیں۔اور یہاں ایک ملی میٹر کی غلطی۔۔۔بینائی ختم ہونے، فالج یا حتیٰ کہ موت کا سبب بن سکتی تھی۔لیکن اس بار سرجنز کے ساتھ ایک اور ’’ذہین مددگار‘‘ بھی موجود تھا۔۔۔
