واشنگٹن ( پاک ترک نیو ز) امریکی وزیر خارجہ مارکو روبیو نے اقوام متحدہ کی جنرل اسمبلی کے اجلاس کے موقع پر نیویارک میں موجود ایرانی وفد کو فوری طور پر امریکا چھوڑنے کا حکم دے دیا۔ذرائع کے مطابق ایرانی وفد جنرل اسمبلی کے اجلاس میں شرکت کے لیے نیویارک میں موجود تھا، جس میں ایرانی وزیر خارجہ عباس عراقچی بھی شامل تھے۔
رپورٹس کے مطابق ایران اور امریکا کے درمیان جاری کشیدگی کم کرنے کے لیے قطر کی جانب سے ثالثی کی کوششیں بھی کسی پیش رفت کے بغیر ختم ہوگئیں۔
دوسری جانب امریکی صدر ڈونلڈ ٹرمپ نے ایران کو ایک بار پھر خبردار کرتے ہوئے کہا ہے کہ تہران کو سمجھداری کا مظاہرہ کرنا ہوگا، بصورت دیگر ایران کے لیے حالات انتہائی سنگین ہوسکتے ہیں۔
یہ بھی پڑھیں: محمد رضوان آج این سی سی آئی اے میں پیش ہوں گے
ٹرمپ نے کہا کہ موجودہ کشیدگی بہت جلد ختم ہوجائے گی، تاہم معاہدہ نہ ہونے کی صورت میں امریکا سخت اقدامات کرسکتا ہے۔ٹرمپ نے ایران کو خبردار کرتے ہوئے یہ بھی کہا کہ اگر تہران نے سمجھداری کا مظاہرہ نہ کیا تو وہ زیادہ دیر تک موجود نہیں رہے گا۔ ان کے بیانات ایسے وقت میں سامنے آئے ہیں جب امریکا اور ایران کے درمیان جنگ کے خاتمے اور سفارتی حل کے لیے جاری کوششیں تعطل کا شکار ہیں۔
