لندن ( پاک ترک نیوز)لندن ایک بار پھر پاکستان کی سیاسی سرگرمیوں کا مرکز بن گیا۔۔۔پیپلز پارٹی کے چیئرمین بلاول بھٹو زرداری کی صدر آصف علی زرداری سے اہم ملاقات ہوئی، ذرائع کے مطابق ملاقات تقریباً پانچ گھنٹے جاری رہی۔ملاقات میں ملک کی مجموعی سیاسی صورتحال، سندھ کی تقسیم سے متعلق جاری بحث اور مجوزہ 28ویں آئینی ترمیم سمیت اہم امور پر تبادلہ خیال کیا گیا۔ذرائع کے مطابق بلاول بھٹو زرداری اور آصف علی زرداری نے سندھ کی تقسیم کے معاملے پر پیپلز پارٹی کے مؤقف پر قائم رہنے کا فیصلہ کیا۔ملاقات میں بختاور بھٹو زرداری بھی شریک ہوئیں۔
یہ بھی پڑھیں: خواجہ آصف کا پیپلز پارٹی پر دو رخی پالیسی کا الزام
دوسری جانب وفاقی وزیر قانون اعظم نذیر تارڑ بھی لندن میں صدر آصف علی زرداری سے ملاقات کرچکے ہیں۔ذرائع کے مطابق اعظم نذیر تارڑ کی ملاقات میں مجوزہ 28ویں آئینی ترمیم کے حوالے سے پیپلز پارٹی کو اعتماد میں لینے اور حکومت و اتحادی جماعت کے درمیان مشاورت آگے بڑھانے پر بات چیت ہوئی۔
