25 کلوواٹ اور اس سے کم سولر صارفین کیلئے لائسنس کی شرط اور فیس ختم

اسلام آباد ( پاک ترک نیوز) نیپرا نے 25 کلوواٹ اور اس سے کم سولر صارفین کیلئے لائسنس کی شرط اور فیس ختم کردی۔
نیپرا نے اس حوالے سے نوٹیفکیشن بھی جاری کر دیا ، پاور ڈویژن کی درخواست پر نیپرا نے 25 کلوواٹ اور اس سے کم سولر صارفین کیلئے لائسنس کی شرط ختم کردی گئی۔
وفاقی وزیر توانائی سردار اویس احمد خان لغاری کی خصوصی ہدایت پر پاور ڈویژن نے نیپرا سے درخواست کی تھی کہ 25 کلو واٹ اور اس سے کم نیٹ میٹرنگ والے سولر صارفین پر سے لائسنس کی شرط ختم کی جائے پاور ڈویژن نے مؤقف اختیار کیا تھا کہ لائسنسن لاگو ہونے سے گھریلو صارفین کے لیے غیر ضروری بیوروکریٹک رکاوٹیں پیدا ہوئی ہیں، جبکہ قابل تجدید توانائی کے فروغ کی کوششیں بھی متاثر ہو سکتی ہیں۔