لاہور (پاک ترک نیوز )پنجاب کی وزیر اطلاعات عظمیٰ بخاری کا پیپلز پارٹی کو جواب دیتے ہوئے کہا آزاد کشمیر کے لوگوں نے ن لیگ کو چنا، میرپور ڈویژن کے عوام نے پنجاب کی ترقی کو مدنظر رکھ کر ووٹ دیا، بلاول بھٹو تشریف لائیں ،انہیں پنجاب میں ترقی دکھائیں گے ۔
نیوز کانفرنس میں عظمیٰ بخاری نے کہا انتخابی نتائج کو کھلے دل سے تسلیم کیا جانا چاہیے، وزیراعلیٰ پنجاب نے گذشتہ 18 ماہ میں جو کام کیے وہ سب کے سامنے ہیں، کراچی میں ٹرانسپورٹ سسٹم کیوں نہیں، کچرا کیوں نہیں اٹھایا جاتا، آپ اٹھارہ سال کی کارکردگی دکھادیں۔
عظمیٰ بخاری نے کہا کراچی جیسے بڑے شہر کو کس کے رحم و کرم پر چھوڑ دیا گیا، گرین بسیں پنجاب کے تمام شہروں میں چل رہی ہیں۔ یہ اپنے گھر لاڑکانہ کی حالت نہیں بدل سکے ،شرم کی بات ہے ، ہارے ہوئے لوگوں کو کس طرح فنڈز دیئے گئے،سب کو پتہ ہے ،
یہ بھی پڑھیں :ن لیگ اور پی پی کے رہنماؤں کی سوشل میڈیا پر لفظی گولہ باری
وزیر اطلاعات پنجاب نے کہاایک جماعت کاغیرجمہوری رویہ دیکھنےکومل رہاہے، پنجاب ترقی کی دوڑمیں سب سے آگےہے،ستھراپنجاب پروگرام کوعالمی سطح پرپذیرائی ملی۔
عظمیٰ بخاری نے کہا بارشوں کے دوران کم سےکم وقت میں پانی کی نکاسی یقینی بنائی جارہی ہے، کم ازکم ہمیں بتاہی دیاجائےکہ18سال کی کارکردگی کیاہے؟ الزام تراشی کی بجائےاپنی کارکردگی اورترقیاتی منصوبےدکھائےجائیں، آپ نےکونساکارنامہ انجام دیاکہ کشمیرکےلوگ آپ کوووٹ دیتے؟
