کراچی ( پاک ترک نیوز) وفاقی وزیر مصطفیٰ کمال کہتے ہیں لاہور کراچی سے پچاس سال آگے چلا گیا ، ، ملک کو آئی ایم ایف نہیں ،کراچی معاشی دلدل سے نکال سکتا ہے۔
نیوز کانفرنس کرتے ہوئے مصطفیٰ کمال نے کہا سندھ کی آمدنی کا پچانوے فیصد کراچی کماتا ہے کراچی کے ساتھ مسلسل نا انصافی کی جا رہی ہے،کراچی کا اصل مسئلہ وسائل کی غیر منصفانہ تقسیم ہے۔
مصطفیٰ کمال نے کہا سندھ حکومت کو اٹھارہ سالوں میں بائیس ہزار ارب روپے ملے ،کراچی کو صرف 680ارب روپے دیئے گئے۔ پیپلز پارٹی نے سارا پیسہ دبئی میں لگا دیا ۔ پیپلز پارٹی کی اٹھارہ سال سے سندھ میں حکومت ہے ، 18 سالوں میں جسے ٹھیک ہونا ہوتا وہ ہو جاتا۔
وفاقی وزیر مصطفیٰ کمال نے مزید کہا ایم کیو ایم اب خاموش نہیں رہے گی ،سندھ حکومت کا پیچھا نہیں چھوڑے گی۔ ملک میں انتظامی بنیادوں پر نئے صوبے کا قیام ناگزیرہوگیا، ستائیس ترمیم ہوگئی تو اٹھائیسویں ترمیم کیوں نہیں ہو سکتی۔
یہ بھی پڑھیں: وزیر داخلہ محسن نقوی کا بلوچستان میں دہشت گردوں کی ہلاکت پر سکیورٹی فورسز کو خراج تحسین
مصطفیٰ کمال نے کہا ہماری تباہی بربادی سے بات آگے نکل کر بات ملک کی بقاء پر آگئی ہے، پاکستان میں لوگوں کے حالات پر تبدیلی نہیں آ رہی۔ صوبائی حکومتوں کا نظام عوام کو فائدہ پہنچانے میں ناکام ہو گیا۔
وفاقی وزیر مصطفیٰ کمال نے کہا پاک فوج نے خود سے چھ گنا بڑی فوج کو دھول چٹا دی۔
