کراچی ( پاک ترک نیوز) کراچی کے علاقے گلشن حدید میں ایک ہی خاندان کے پانچ افراد کی ہلاکت کے واقعے میں اہم پیش رفت سامنے آئی ہے۔ جاں بحق ہونے والے شاہزیب کے ہاتھ سے لکھا مبینہ خط سامنے آگیا، جس میں اس نے معاشی پریشانیوں اور رشتہ داروں کے مبینہ رویے کو انتہائی قدم اٹھانے کی وجہ قرار دیا ہے۔خط کے متن کے مطابق شاہزیب اور اس کے اہل خانہ گزشتہ چھ ماہ سے معاشی مشکلات کا شکار تھے، جبکہ ان کے بقول رشتہ دار ان کے والد کی موت کا ذمہ دار بھی انہیں ٹھہراتے تھے۔
خط کے متن کے مطابق شاہزیب اور اس کے اہل خانہ گزشتہ چھ ماہ سے معاشی مشکلات کا شکار تھے، جبکہ ان کے بقول رشتہ دار ان کے والد کی موت کا ذمہ دار بھی انہیں ٹھہراتے تھے۔مبینہ خط میں لکھا گیا ہے کہ خاندان کے پاس روزگار کا کوئی ذریعہ نہیں تھا۔ مالی مدد کے لیے رشتہ داروں سے رابطہ کیا گیا، تاہم ان کے مطابق انہیں مدد دینے کے بجائے ذلت کا سامنا کرنا پڑا۔
یہ بھی پڑھیں: خیبر پختونخوا کے امور کی نگرانی کے لیے وزیراعظم کی 11 رکنی کمیٹی قائم، اسحاق ڈار کنوینئر مقرر
خط میں مزید دعویٰ کیا گیا ہے کہ خالاؤں اور چچاؤں نے انہیں رابطوں پر روک دیا تھا، جبکہ ملنے جانے پر گھر سے نکال دیا جاتا تھا۔ شاہزیب نے مبینہ طور پر لکھا کہ رشتہ داروں نے انہیں بے یار و مددگار چھوڑ دیا اور ان کی مدد کرنے سے گریز کیا۔
