بشکیک ( پاک ترک نیوز) بشکیک میں شنگھائی تعاون تنظیم کے سربراہ اجلاس کے موقع پر نائب وزیراعظم اور وزیر خارجہ اسحاق ڈار کی ایرانی وزیر خارجہ عباس عراقچی سے سائیڈ لائنز پر غیر رسمی ملاقات ہوئی۔ملاقات کے دوران دونوں وزرائے خارجہ نے پاکستان اور ایران کے باہمی تعلقات، باہمی دلچسپی کے امور اور خطے کی مجموعی صورتحال پر تبادلہ خیال کیا۔اسحاق ڈار اور عباس عراقچی نے خطے میں ہونے والی تازہ پیش رفت پر بھی بات چیت کی جبکہ پاکستان اور ایران کے درمیان قریبی رابطے اور باہمی مشاورت جاری رکھنے کی اہمیت پر زور دیا۔
یہ بھی پڑھیں: اسحاق ڈار کا ترک وزیر خارجہ سے ٹیلی فونک رابطہ، علاقائی صورتحال پر تبادلہ خیال
شنگھائی تعاون تنظیم کا سربراہ اجلاس ایسے وقت میں ہو رہا ہے جب خطے کو سیکیورٹی، معاشی اور سیاسی سطح پر متعدد چیلنجز کا سامنا ہے۔ اجلاس کے موقع پر رکن ممالک کے رہنماؤں اور وزرائے خارجہ کی سائیڈ لائن ملاقاتوں میں علاقائی امن، استحکام اور باہمی تعاون کے امور زیر بحث آ رہے ہیں۔
