اسلام آباد ( پاک ترک نیوز) نائب وزیراعظم اور وزیر خارجہ اسحاق ڈار اور ترک وزیر خارجہ خاقان فدان کے درمیان ٹیلیفونک رابطہ ہوا، جس میں اہم علاقائی پیش رفت اور باہمی دلچسپی کے امور پر تبادلہ خیال کیا گیا۔
ترجمان دفتر خارجہ کے مطابق دونوں وزرائے خارجہ نے باہمی دلچسپی کے مختلف شعبوں میں دوطرفہ تعاون کو مزید فروغ دینے کے امکانات پر بھی غور کیا۔
گفتگو کے دوران علاقائی چیلنجز اور خطے میں امن و سلامتی کی صورتحال پر بھی تبادلہ خیال کیا گیا۔
ترجمان کے مطابق اسحاق ڈار اور خاقان فدان نے اس بات پر اتفاق کیا کہ علاقائی چیلنجز سے نمٹنے اور امن و سلامتی کے فروغ کے لیے سفارت کاری اور بامعنی مذاکرات ہی واحد راستہ ہیں۔
یہ بھی پڑھیں: حج کے لیے سعودی عرب میں نئی رہائشی شرائط
دونوں وزرائے خارجہ نے پاکستان اور ترکیہ کے درمیان قریبی اور دوستانہ تعلقات کو مزید مضبوط بنانے کے عزم کا بھی اعادہ کیا۔
