تہران ( پاک ترک نیوز) ایرانی حکومت نے چھ جولائی کو تہران میں عام تعطیل کا اعلان کر دیا۔ حکومتی ترجمان فاطمہ مہاجرانی کے مطابق تعطیل کا مقصد تعزیتی تقریبات میں شرکت کرنے والے سوگواروں کی واپسی کو آسان بنانا ہے۔
ترجمان حکومت کے مطابق جمعرات کو پورے ایران میں یومِ سوگ منایا جائے گا،جبکہ 4 سے 8 جولائی تک تہران، قم اور مشہد میں مختلف تعزیتی پروگرام منعقد کیے جائیں گے۔
یہ بھی پڑھیں: دوحہ میں امریکا اور ایران کے تکنیکی سطح کے مذاکرات شروع
ایرانی حکومت کے مطابق سپریم لیڈر آیت اللہ علی خامنہ ای کی تدفین 8 جولائی کو مشہد میں کی جائے گی، جہاں ملک بھر سے بڑی تعداد میں سوگواروں کی شرکت متوقع ہے۔
فاطمہ مہاجرانی نے مزید بتایا ایران کے علاوہ عراق کے دارالحکومت بغداد، کاظمین، کربلا اور نجف میں بھی تعزیتی تقریبات کا انعقاد کیا جائے گا، جن میں مختلف مذہبی و سماجی شخصیات اور عوام شرکت کریں گے۔
