تہران ( پاک ترک نیوز) ایرانی پارلیمنٹ کے اسپیکر محمد باقر قالیباف نے آبنائے ہرمز کھولنے کے لیے امریکا کے سامنے مطالبات کی فہرست پیش کردی۔
امریکی نشریاتی ادارے سی این این کے مطابق ایرانی اسپیکر باقر قالیباف نے مطالبات کی فہرست امریکا کے حوالے کی ہے۔
رپورٹ کے مطابق ایرانی مطالبات میں ایرانی بندرگاہوں کی بحری ناکہ بندی ختم کرنا، ایرانی تیل پر عائد پابندیاں اٹھانا اور منجمد ایرانی اثاثے بحال کرنا شامل ہے۔
ایران نے امریکا سے تمام محاذوں پر فوجی دھمکیاں اور کارروائیاں بند کرنے کا بھی مطالبہ کیا ہے۔
یہ بھی پڑھیں: ایران جنگ طویل ،امریکی فوجی خودکشی کرنے لگے
سی این این کے مطابق ایران کا مؤقف ہے کہ ان شرائط پر عمل درآمد کی صورت میں آبنائے ہرمز کھولنے کی راہ ہموار ہوسکتی ہے۔
