اسلا م آباد ( پاک ترک نیوز) سابق وزیراعلیٰ پنجاب حمزہ شہباز کو وزیراعظم پبلک افیئرز ونگ کا سربراہ مقرر کردیا گیا۔
ذرائع کے مطابق حمزہ شہباز کی زیر صدارت وزیراعظم پبلک افیئرز ونگ کا اجلاس وزیراعظم ہاؤس میں ہوا، جس میں وزیر مملکت عبدالرحمان کانجو، ایم ڈی بیت المال اور معاون خصوصی محمد طلحہ نے شرکت کی۔
ذرائع کا کہنا ہے کہ اجلاس میں عوامی شکایات اور مسائل کے جلد حل سے متعلق امور پر غور کیا گیا۔
یہ بھی پڑھیں: ایران نے آبنائے ہرمز کھولنے کے لیے امریکا کے سامنے مطالبات رکھ دیئے
اجلاس میں عوامی مسائل کے ازالے کے لیے پبلک افیئرز ونگ کی کارکردگی مزید مؤثر بنانے اور شکایات کے بروقت حل کے حوالے سے بھی تبادلہ خیال کیا گیا۔
