تہران ( پاک ترک نیوز) ایران نے امریکا کے ساتھ حالیہ کشیدگی کے دوران مار گرائے جانے والے ایم کیو نائن ریپر ڈرون کو عوام کے سامنے پیش کردیا ہے۔ ایرانی میڈیا کے مطابق ڈرون کا ملبہ مرکزی صوبے میں نمائش کے لیے رکھا گیا ہے، جہاں شہری اسے دیکھنے اور اس کے ساتھ تصاویر بنوانے کے لیے پہنچ رہے ہیں۔ایرانی پاسدارانِ انقلاب نے دعویٰ کیا ہے کہ امریکی ایم کیو نائن ڈرون کو ایرانی فضائی دفاعی نظام نے کارروائی کے دوران نشانہ بنا کر مار گرایا۔ ایرانی میڈیا نے اس حوالے سے ویڈیوز بھی جاری کی ہیں جن میں مبینہ طور پر ڈرون کا ملبہ دکھایا گیا ہے۔
یہ بھی پڑھیں: ایران کی نئی حکمتِ عملی امریکی مفادات کی بنیادیں ہلا دے گی، محسن رضائی
ایم کیو نائن ریپر امریکا کا جدید مسلح اور نگرانی کرنے والا ڈرون ہے۔ مختلف سینسرز اور ہتھیاروں سے لیس کیے جانے کی صورت میں اس کی لاگت تقریباً 30 سے 50 ملین ڈالر تک بتائی جاتی ہے۔
