واشنگٹن ( پاک ترک نیوز) امریکی صدر ڈونلڈ ٹرمپ نے کہا ہے کہ ایران معاہدہ کرنا چاہتا ہے، تاہم تہران ایسا معاہدہ نہیں کرے گا جسے امریکا ضروری سمجھتا ہے۔
وائٹ ہاؤس میں صحافیوں سے گفتگو کرتے ہوئے صدر ٹرمپ نے کہا کہ ایران میں امریکا کی موجودگی کا مقصد صرف ایک ہے کہ ایران کے پاس جوہری ہتھیار نہیں ہونا چاہیے۔
ٹرمپ کا کہنا تھا کہ بی ٹو بمبار طیاروں کے ذریعے امریکا کی کارروائی کے بعد اگر ایران دوبارہ جوہری ہتھیار بنانے کی کوشش کرتا بھی ہے تو اسے اس میں بہت وقت لگے گا، تاہم ایران کے پاس جوہری ہتھیار نہیں ہوسکتا۔
یہ بھی پڑھیں: امریکہ اور ایران میں جنگ بندی میں 60 روزہ توسیع،العربیہ کا دعویٰ
امریکی صدر نے واضح کیا کہ امریکا ایران کے ساتھ مفاہمت کی یادداشت میں توسیع نہیں چاہتا اور واشنگٹن ایران کے جوہری پروگرام کے حوالے سے اپنے مؤقف پر قائم ہے۔
