اسلام آباد ( پاک ترک نیوز) دوحہ میں امریکا،ایران مذاکرات میں مثبت پیش رفت ہوئی ہے ، ایران اورامریکا کا مذاکرات جاری رکھنے پر اتفاق ہوگیاترجمان دفتر خارجہ طاہر حسین اندرابی کا کہناہے اگلا مذاکراتی اجلاس آیت اللہ خامنہ ای کی تدفین کے بعد ہو گا۔
ترجمان دفتر خارجہ نے کہا پاکستان اور قطر فریقین سے رابطے میں ہیں ۔ پاکستان قطری شراکت داروں کے ساتھ سہولت کار اور ثالث کا کردار جاری رکھے گا۔
پریس بریفنگ میں طاہر حسین اندرابی نے کہا وزیراعظم شہبازشریف کل سے پانچ جولائی تک ایران اور ترکیہ کا دورہ کریں گے ،وزیراعظم سابق ایرانی سپریم لیڈر آیت اللہ خامنہ ای کی تدفین میں شرکت کریں گے،ایران کے ساتھ پاکستان کی یکجہتی اور حمایت کا اعادہ کریں گے ،نائب وزیراعظم اسحاق ڈار اور وفاقی وزراء بھی ہوں گے۔
ترجمان دفتر خارجہ کے مطابق وزیراعظم استنبول میں کاروباری کانفرنس سے خطاب کریں گے ،شہبازشریف کی ترکیہ کے صدر رجب طیب اردوان سے ملاقات بھی ہو گی۔
یہ بھی پڑھیں: آبنائے ہرمز امریکی سینٹرل کمانڈ کے نہیں، ایران کے کنٹرول میں ہے،نائب وزیرخارجہ
طاہر حسین اندرابی نے مزید کہا بھارت سندھ طاس معاہدہ یکطرفہ طور پر معطل نہیں کر سکتا ، پاکستان اور بھارت کے درمیان اصل مسئلہ دہشت گردی نہیں ،بھارتی قیادت میں پانی کو بطور ہتھیار استعمال کرنےوالی ذہنیت اصل مسئلہ ہے
ترجمان دفتر خارجہ طاہر حسین اندرابی نے کہا پاکستانی شہریوں کا تحفظ اولین ترجیح ہے ، کوئی سمجھوتہ نہیں کیا جائے گا، سکیورٹی فورسز نے انٹیلی جنس بیسڈ کی بنیاد پر آپریشن غضب للحق کیا ۔، دہشت گردی کرتے ہوئے افغان شہری کی گرفتاری پر افغان ناظم الامور کو ڈیمارش کیا گیا۔
