معرکہ ترقی نہ جیتا گیا تو معرکہ حق کا دفاع بھی زیادہ دیرتک نہیں کرسکیں گے،احسن اقبال

لاہور( پاک ترک نیوز) وفاقی وزیر برائے منصوبہ بندی احسن قبال کا کہنا ہے امریکا ایران جنگ میں کردار ادا کرنےکی بڑی وجہ بھی معرکہ حق میں کامیابی تھی۔
لاہور چیمبر میں تقریب سےخطاب میں احسن اقبال نے کہا اب معرکہ ترقی نہ جیتا گیا تو معرکہ حق کا دفاع بھی زیادہ دیرتک نہیں کرسکیں گے۔ ہمیں عوامی مسائل حل کرنےکے لیےانتہائی سنجیدگی سےکام کرناہوگا ملکی استحکام کے لیے مضبوط معیشت کی ضرورت ہے۔،دنیا میں ترقی کے لیے کوئی شارٹ کٹ نہیں ،معاشی خود مختاری کےلئے ایکسپورٹ نہایت ضروری ہیں ۔وزیر اعظم نے ایکسپورٹ بڑھانے کےلئے مجھے ذمہ داری دی ہے۔
وفاقی وزیر نے مزید کہا آئی ایم ایف کا نسخہ کڑوا ہوتا ہے جو مجبوری میں نگلنا پڑتا ہے،غیر ضروری بندشوں کو ہٹانے کےلئے آئی ایم ایف ہمیں نہیں روکتا۔ ایکسپورٹرز مجھے بتائیں ان کو غیر ضروری رکاوٹوں، این او سیز کو کیسے ہٹایا جا سکتا ہے ۔اگر کوئی ایکسپورٹر اسی بجلی ٹیرف، ٹیکس پر 100 ملین ڈالر کی ایکسپورٹ کر رہا تو 120 بھی کر سکتا ہے جتنا ایٹمی صلاحیت ملکی دفاع کےلئے ضروری ہے 2035 تک 100 ارب ڈالر کی ایکسپورٹ ضروری ہے ۔
احسن اقبال نے کہا کسی نہ کسی لیول پر کوتاہی کی وجہ سے ایکسپورٹ نہیں بڑھ سکی،40 سال میں اپنی پراڈکٹس کو دنیا کی بڑی مارکیٹس تک نہیں پہنچا سکے ،پاکستان دنیا میں کھجور پیدا کرنے والا چوتھا بڑا ملک ہے، مگر دنیا میں ہماری کھجور کہیں نظر نہیں آتی،آم کی ویلیو ایڈیشن نہیں کی، دنیا کا بہترین چونسہ ہمارے پاس ہے ،پاکستان کے معرکہ ترقی کا انحصار ایکسپورٹ پر ہے ،پرائیویٹ سیکٹر کو ملک میں پیسہ لانا چاہیئے۔