اسلام آباد(پاک ترک نیوز) خیبر پختونخوا میں ایمرجنسی کے نفاذ یا گورنر راج سے متعلق اہم فیصلوں کے لیے ایوانِ صدر میں آج شام پانچ بجے اعلیٰ سطح کا اجلاس متوقع ہے۔ وزیراعظم ہاؤس میں ہونے والے اجلاس کا مقام تبدیل کر دیا گیا ہے، اب وزیراعظم شہباز شریف وفد کے ہمراہ صدر آصف علی زرداری سے ملاقات کریں گے۔ذرائع کے مطابق ملاقات میں خیبر پختونخوا کے انتظامی معاملات اور صوبے میں امن و امان کی صورت حال پر غور کیا جائے گا، جبکہ صوبے کے مستقبل کے انتظامی بندوبست سے متعلق حتمی فیصلے پر بھی مشاورت متوقع ہے۔
یہ بھی پڑھیں: سہیل آفریدی کی زیرِ صدارت پی ٹی آئی قیادت کا اجلاس، لانگ مارچ ، سیاسی صورتحال پر غور
ذرائع کا کہنا ہے کہ اجلاس میں قومی سلامتی کے اداروں کی رپورٹس کا جائزہ لیا جائے گا۔ سابق قبائلی علاقوں سمیت خیبر پختونخوا کے 12 اضلاع میں ایمرجنسی کے نفاذ کی تجویز زیرِ غور ہے۔مجوزہ اقدامات کے تحت عوام کی جان و مال کے تحفظ اور امن و امان کی صورت حال بہتر بنانے کے لیے وفاقی حکومت کو اضافی اختیارات دینے کے قانونی اور آئینی پہلوؤں کا جائزہ لیا جائے گا۔ذرائع کے مطابق آئین کے آرٹیکل 232، 234 اور 147 پر غور کے بعد اہم فیصلوں کی منظوری دیے جانے کا امکان ہے۔
