لاہور( پاک ترک نیوز) عید کی خوشیوں کے قریب آتے ہی ہر گھر میں دسترخوان سجانے کی تیاری عروج پر ہے۔،اس بار خواتین کے لیے پریشانی یہ ہے کہ وہ نہ صرف روایتی پکوان تیار کریں بلکہ نئے اور منفرد ڈشز کے ساتھ مہمانوں کو بھی خوش کریں۔
عید محض روایتی پکوان نہیں بلکہ کچن میں تخلیق اور نئے ذائقوں کا جشن بن گئی، مٹن بریانی، چکن کڑاہی یا ویجیٹیبل سپیشل ڈش ہو ، ہر ڈش میں ذائقہ اور پیشکش کا توازن رکھنا پڑتا ہے۔
میٹھے میں کیک، حلوہ، سویٹس اور فروٹ چاٹ کا الگ ہی رنگ ہے، ۔ روایتی حلوہ اور کھیر کے ساتھ رنگین کیک، فروٹ چاٹ اور خصوصی تھیم والے میٹھے بچوں اور نوجوانوں کے لیے کشش کا باعث بن رہے ہیں۔خواتین گھر میں نئے پکوان آزما رہی ہیں، آن لائن ریسپیز اور ویڈیو ٹیوٹوریلز کا سہارا لے رہی ہیں تاکہ ہر ڈش خاص اور منفرد ہو۔
عید صرف روایتی پکوان نہیں بلکہ نئے ذائقوں اور منفرد پریزنٹیشن کا وقت بھی ہے۔ خواتین کو چاہیے کہ وہ اپنی تخلیقی صلاحیتیں استعمال کریں۔ماہر خوراک کا کہنا ہے کہ عید کے کھانوں میں تنوع اور صحت دونوں کو مدنظر رکھنا ضروری ہے۔
عید کے پکوان صرف کھانے کے لیے نہیں، بلکہ یہ خاندان کے ساتھ خوشیوں اور محبت کا بھی ذریعہ ہیں۔نئے چیلنج کو قبول کریں اور اس عید دسترخوان کو رنگین اور لذیذ بنائیں!
