پاکستان سے عازمین حج کی روانگی کا سلسلہ جاری

اسلام آباد ( پاک ترک نیوز) پاکستان سے عازمین حج کی روانگی جاری ، کوئٹہ سے حج فلائٹ 307مسافروں کو لے کر سعودی عرب چلی گئی۔
اب تک 21 پروازوں کے ذریعے 5 ہزار 250 سرکاری عازمین حج مدینہ منورہ پہنچ گئے ۔
ترجمان وزارت مذہبی امور ک مطابق آج 13 حج پروازوں کے ذریعے مزید تین ہزار پانچ سو دس عازمین حجاز مقدس روانہ ہوں گے ،اسلام آباد سے 4، کراچی، لاہور، ملتان اور کوئٹہ سے 2، 2 اور سیالکوٹ سے ایک حج پرواز روانہ ہو گی، حج فضائی آپریشن 31 مئی تک بلا تعطل جاری رہے گا۔