لاہور(پاک ترک نیوز )پاکستان، سری لنکا اور انگلینڈ کے درمیان کرکٹ سیریز کا اعلان کر دیا گیا ، پاکستان 9 اکتوبر سے 21 نومبر تک سری لنکا اور انگلینڈ کی میزبانی کرے گا۔
سری لنکن کرکٹ ٹیم کا دورہ پاکستان 4 اکتوبر سے شروع ہوگا۔ پاکستان اور سری لنکا کے درمیان 3 ٹی ٹوئنٹی انٹرنیشنل میچز کھیلے جائیں گے، جو 9، 11 اور 13 اکتوبر کو راولپنڈی میں ہوں گے۔
دونوں ٹیموں کے درمیان ٹی ٹوئنٹی سیریز کے بعد انگلینڈ بھی پاکستان کا دورہ کرے گا، جہاں وہ پاکستان اور سری لنکا کے ساتھ ون ڈے انٹرنیشنل ٹرائی سیریز میں شرکت کرے گا۔
تین ملکی ون ڈے سیریز میں پاکستان، سری لنکا اور انگلینڈ کی ٹیمیں شامل ہوں گی۔ ٹرائی سیریز 18 سے 31 اکتوبر تک راولپنڈی اور لاہور میں کھیلی جائے گی۔
سری لنکن ٹیم 4 سے 6 نومبر تک اسلام آباد میں تین روزہ میچ بھی کھیلے گی، جس کے بعد پاکستان اور سری لنکا کے درمیان 2 ٹیسٹ میچز پر مشتمل سیریز ہوگی۔
یہ بھی پڑھیں : ہاکی ورلڈکپ: روایتی حریف پاکستان اور بھارت آج مدمقابل ہوں گے
پاکستان اور سری لنکا کے درمیان ٹیسٹ سیریز آئی سی سی ورلڈ ٹیسٹ چیمپئن شپ 2025-27 کا حصہ ہوگی۔
سیریز کا پہلا ٹیسٹ میچ 9 سے 13 نومبر تک راولپنڈی میں کھیلا جائے گا، جبکہ دوسرا ٹیسٹ 17 سے 21 نومبر تک لاہور کے قذافی اسٹیڈیم میں ہوگا۔
پاکستان میں ہونے والی اس طویل کرکٹ سرگرمی کے دوران شائقین کو ٹی ٹوئنٹی، ون ڈے اور ٹیسٹ کرکٹ کے دلچسپ مقابلے دیکھنے کو ملیں گے۔
