اسلام آباد (پاک ترک نیوز )چیئرمین پیپلز پارٹی بلاول بھٹو زرداری کی قیادت میں پیپلز پارٹی وفد نے قومی اسمبلی میں اپوزیشن لیڈر محمود خان اچکزئی سے ملاقات کی ہے جس میں ملک کی مجموعی صورتحال پر تبادلہ خیال کیا گیا
ملاقات میں ملک کی موجودہ سیاسی صورتحال، پارلیمانی امور اور دیگر اہم معاملات پر مشاورت کی گئی ،جمہوری اداروں کو مؤثر اور مضبوط بنانے کے لیے باہمی تعاون اور مشترکہ حکمت عملی پر بھی غور کیا گیا
ذرائع کے مطابق بلاول بھٹو زرداری نے اپوزیشن لیڈر محمود خان اچکزئی سے ٹیلیفون پر رابطہ کرکے ملاقات کی خواہش کا اظہار کیا تھا، جس کے بعد دونوں جانب ملاقات طے کی گئی۔
