راولپنڈی ( پاک ترک نیوز) کمانڈر نیشنل اسٹریٹجک کمانڈ جنرل سید عامر رضا نے نائب وزیراعظم اور وزیر خارجہ اسحاق ڈار سے وزارت خارجہ میں ملاقات کی۔ترجمان وزارت خارجہ کے مطابق اسحاق ڈار نے جنرل سید عامر رضا کو ترقی اور نئی ذمہ داری سنبھالنے پر مبارکباد دی اور نئی ذمہ داریوں کے لیے نیک خواہشات کا اظہار کیا۔ملاقات میں قومی سلامتی سے متعلق امور پر تبادلہ خیال کیا گیا، جبکہ علاقائی اور عالمی صورتحال بھی زیر بحث آئی۔
یہ بھی پڑھیں: بیرسٹر گوہر کی سینیٹر راجہ ناصر عباس سے ملاقات، سیاسی صورتحال پر مشاورت
ترجمان کے مطابق ملاقات میں قومی مفادات کے فروغ کے لیے ادارہ جاتی تعاون کی اہمیت پر اتفاق کیا گیا۔ فریقین نے علاقائی امن و سلامتی کے لیے پاکستان کے کردار کو مزید مؤثر بنانے کی ضرورت پر بھی اتفاق کیا۔
