واشنگٹن ( پاک ترک نیوز) امریکا نے چینی جنگی جہازوں اور ساحلی فوجی تنصیبات کے دفاعی نظام کو چیلنج کرنے کے لیے کم لاگت کے ہائپرسونک میزائل تیار کرنے پر توجہ مرکوز کر دی۔ امریکی بحریہ کا ہدف ایسے میزائل کو طیارہ بردار بحری جہازوں سے اڑنے والے لڑاکا طیاروں پر نصب کرنا ہے، جو آواز کی رفتار سے پانچ گنا سے زیادہ تیز پرواز کر سکے۔دفاعی کمپنی کاسٹیلیئن کا تیار کردہ بلیک بیئرڈ میزائل بحری جہازوں اور زمینی اہداف کو نشانہ بنانے کے لیے بنایا جا رہا ہے۔ اس منصوبے میں مہنگے ہائپرسونک ہتھیاروں کے مقابلے میں کم لاگت اور بڑے پیمانے پر پیداوار کو ترجیح دی جا رہی ہے۔
یہ بھی پڑھیں: کراچی سے 4دہشت گرد گرفتار،دستی بم برآمد
رپورٹ کے مطابق امریکی محکمہ دفاع نے مئی میں کانگریس سے پانچ سال کے دوران مختلف امریکی فوجی شعبوں کے لیے 12 ہزار سے زائد بلیک بیئرڈ میزائل خریدنے کی منظوری اور فنڈز طلب کیے تھے۔امریکی بحریہ کے تخمینوں کے مطابق مالی سال 2028 سے 2031 کے دوران ایک میزائل کی اوسط مجموعی قیمت تقریباً 3 لاکھ 85 ہزار امریکی ڈالر ہوگی۔
