اسلام آباد ( پاک ترک نیوز) چیئرمین تحریک انصاف بیرسٹر گوہر نے وزیراعظم شہباز شریف کی مذاکرات کی پیشکش کو خوش آئند قرار دے دیا۔ بیرسٹر گوہر کا کہنا ہے کہ ملک اس وقت غیر یقینی صورتحال سے دوچار ہے، سیاسی مسائل کا حل مذاکرات کے ذریعے نکالا جانا چاہیے۔ انہوں نے کہا کہ پاکستان کے دفاع اور جمہوریت کی مضبوطی قانون کی بالادستی سے ہی ممکن ہے۔ دوسری جانب بانی پی ٹی آئی کے حوالے سے بیرسٹر گوہر نے کہا کہ ضروری طبی ٹیسٹ مکمل ہونے تک عمران خان اسپتال میں رہیں گے۔
چیئرمین تحریک انصاف بیرسٹر گوہر نے وزیراعظم شہباز شریف کی جانب سے مذاکرات کی دعوت کا خیرمقدم کیا ہے۔بیرسٹر گوہر کا کہنا ہے کہ ملک اس وقت غیر یقینی صورتحال سے دوچار ہے، ایسے حالات میں مذاکرات ہونے چاہئیں اور سیاسی مسائل کا حل نکالا جانا چاہیے۔انہوں نے کہا کہ سیاسی معاملات کو بات چیت کے ذریعے حل کرنا ہی ملک کے مفاد میں ہے۔
چیئرمین تحریک انصاف نے کہا کہ پاکستان کے دفاع اور جمہوریت کی مضبوطی قانون کی بالادستی سے ہی ممکن ہے۔ان کا کہنا تھا کہ تحریک انصاف آئین کی بالادستی اور آزاد عدلیہ کے لیے کوششیں کررہی ہے۔بیرسٹر گوہر نے واضح کیا کہ آئین کی بالادستی، قانون کی حکمرانی اور آزاد عدلیہ ہی مضبوط جمہوری نظام کی بنیاد ہیں۔دوسری جانب بیرسٹر گوہر نے بانی پی ٹی آئی عمران خان کی صحت اور اسپتال میں قیام کے حوالے سے بھی بات کی۔ان کا کہنا تھا کہ بانی پی ٹی آئی ضروری طبی ٹیسٹ مکمل ہونے تک اسپتال میں رہیں گے۔انہوں نے بانی پی ٹی آئی کی بہنوں کو ان سے ملاقات کی اجازت ملنے کو بھی اچھی بات قرار دیا۔
یہ بھی پڑھیں: سعودی عرب معدنیات کی دوڑ میں شامل، افریقہ کے لیے نیا حریف
وی او:بیرسٹر گوہر کا کہنا تھا کہ بانی پی ٹی آئی کے ضروری طبی معائنے اور ٹیسٹ مکمل ہونا اہم ہے، جس کے بعد ان کی اسپتال سے منتقلی یا آئندہ کے علاج سے متعلق فیصلہ کیا جائے گا۔انہوں نے بانی پی ٹی آئی کی بہنوں کو ملاقات کی اجازت دینے کے اقدام کو سراہا۔
