نیو یارک ( پاک ترک نیوز) اقوام متحدہ میں پاکستان کے مستقبل مندوب عاصم افتخار نے کہا ہے کہ افغانستان ایک بار پھر عالمی دہشت گرد تنظیموں کی محفوظ پناہ گاہ بن چکا ہے۔
عرب نیوز کو انٹرویو میں پاکستانی مندوب نے کہا کہ طالبان انتظامیہ کالعدم تحریک طالبان پاکستان کی پشت پناہی کر رہی ہے اور طالبان حکومت خطے کو غیر مستحکم کرنے والی پراکسی بن چکی ہے۔
عاصم افتخار کا کہنا تھا کہ پاکستان نے دہشت گردی کے خلاف جنگ میں سب سے بڑی قیمت ادا کی ہے۔
یہ بھی پڑھیں: کراچی: نوجوان تاجر میر رضا قتل کیس، قبر کشائی کے نمونوں کی کیمیکل رپورٹ آج متوقع
انہوں نے عالمی برادری پر زور دیا کہ کابل پر سفارتی اور معاشی دباؤ بڑھایا جائے تاکہ افغانستان کی سرزمین سے دہشت گردی کے خطرے کا سدباب اور خطے میں پائیدار امن قائم کیا جا سکے۔
