اسلام آباد (پاک ترک نیوز )وفاقی وزارت اطلاعات و نشریات نے افغان طالبان رجیم کے بے بنیاد دعوؤں کو مسترد کر دیا ۔افغان طالبان رجیم کی جانب سے چیک پوسٹس پر قبضے اور نقصانات کے دعوے بے بنیاد اور من گھڑت قرار دیئے ،وزارت اطلاعات کا کہنا ہےمن گھڑت دعوے افغانستان کے اندر عوامی رائے ہموار کرنے کی مذموم کوشش ہے۔افغان طالبان رجیم اور فتنہ الہندوستان کی جانب سے پہنچائے گئے نقصانات پر وزارت اطلاعات و نشریات بروقت معلومات فراہم کر رہی ہے۔ وزارت اطلاعات پروپیگنڈا کی بجائے تصاویر اور ویڈیوز کی مدد سے افغانستان میں دہشت گردوں کے ٹھکانوں کو پہنچائے جانے والے نقصانات کی تفصیلات فراہم کر رہی ہے،طالبان آؤٹ لٹس اور ان کے حمایتی بھارتی میڈیا کی جانب سے کئے جانے والے دعوؤں میں کوئی صداقت نہیں ہے
افغان طالبان رجیم کے بے بنیاد دعوے مسترد
