ٹک ٹاکر ثناء یوسف قتل کیس میں ملزم عمر حیات کو سزائے موت سنا دی گئی

اسلام آباد ( پاک ترک نیوز) اسلام آباد کی سیشن عدالت نے ٹک ٹاکر ثناء یوسف قتل کیس میں ملزم عمر حیات کو سزائے موت سنا دی۔ ملزم کو بیس لاکھ روپے جرمانہ بھی عائد کیا گیا ،،ثناء یوسف کو دو جون 2025 کو گھر میں قتل کیا گیا،تین جون کو پولیس نے قاتل کو جڑانوالہ سے گرفتار کیا 13 جون کو شناخت پریڈ کے دوران چشم دید گواہان نے ملزم کو شناخت کیا، کیس میں مجموعی طور پر 50 سے زائد سماعتیں ہوئیں ،چالان میں مجموعی طور پر 31 گواہان کی فہرست فراہم کی گئی ۔بعدازاں پراسکیوشن نے 4 گواہان کو ترک کردیا گیا تھا.۔پراسکیوشن کیجانب سے 27 گواہان عدالت میں پیش ہوئے
مقدمہ کا ملزم عمر حیات جڑانوالہ والا کا رہائشی ہے ،مقتولہ کی والدہ اور پھوپھی چشم دید گواہان ہیں ،20 ستمبر کو ملزم پر فرد جرم عائد کی گئی تھی،25 ستمبر کواستغاثہ کے پہلے گواہ نے اپنا بیان ریکارڈ کروایا۔
ہائیکورٹ کے احکامات کی روشنی میں 2 ہفتے سے زائد وقت کیلئے ٹرائل رکا رہا،19 مئی کو مقدمہ کا ٹرائل مکمل ہونے پرفیصلہ محفوظ کیا گیا۔