اسلام آباد ( پاک ترک نیوز) بیرونِ ملک مقیم پاکستانی ورکرز کی گزشتہ دو برس کے دوران اموات کی تفصیلات پارلیمنٹ میں پیش کردی گئیں۔
دستاویز کے مطابق دو برس میں مختلف ممالک میں 799 پاکستانی ورکرز جان کی بازی ہار گئے۔سب سے زیادہ اموات سعودی عرب میں ہوئیں، جہاں 575 پاکستانی ورکرز جاں بحق ہوئے، جبکہ متحدہ عرب امارات میں 104 اور ملائیشیا میں 35 پاکستانیوں کی اموات ہوئیں۔دستاویز کے مطابق لیبیا میں 13، برطانیہ میں 10، عمان میں 16، قطر میں 19، بحرین میں 9 جبکہ ترکیہ میں 6 پاکستانی ورکرز جاں بحق ہوئے۔
حکومت کی جانب سے متاثرہ خاندانوں کی مالی معاونت بھی کی گئی۔ دستاویز کے مطابق 3 ہزار 498 متاثرہ خاندانوں کو حکومت پاکستان کی جانب سے مجموعی طور پر ایک ارب 30 کروڑ روپے ادا کیے گئے۔
یہ بھی پڑھیں: امریکا کا 1 لاکھ 33 ہزار جدید راکٹ خریدنے کا منصوبہ
اس کے علاوہ بیرونِ ملک پاکستانی سفارتی مشنز کی جانب سے 294 متاثرہ خاندانوں کو 75 کروڑ 32 لاکھ روپے کی مالی امداد فراہم کی گئی۔
