ویمنز ورلڈ کپ: بھارت کی پاکستان کیخلاف بیٹنگ جاری

کولمبو(پاک ترک نیوز ) آئی سی سی ویمنز ورلڈ کپ کے اہم میچ میں بھارت کی پاکستان کیخلاف بیٹنگ جاری ہے ۔
بھارت نے بغیر کسی کے نقصان کے 32رنز بنا لئے ہیں۔
تفصیلات کے مطابق آئی سی سی ویمنز کرکٹ ورلڈ کپ کے میچ میں پاکستان نے بھارت کے خلاف ٹاس جیت کر فیلڈنگ کا فیصلہ کیا تھا ۔
کولمبو کے پریما داسا سٹیڈیم میں کھیلے جا رہے میچ میں پاکستان ویمن ٹیم کی کپتان فاطمہ ثنا نے ٹاس جیت کر بھارت کو بیٹنگ کی دعوت دی ہے۔
ٹاس کے بعد گفتگو کرتے ہوئے قومی ٹیم کی کپتان فاطمہ ثناء نے کہا کہ کوالیفائر میں اچھا پرفارم کیا آج بھی بہتر کھیل پیش کریں گے۔
قبل ازیں ویمنز ورلڈ کپ میں بھی بھارت نے اپنی ہٹ دھرمی برقرار رکھتے ہوئے کھیل کی روح کے منافی اقدامات جاری رکھے، ٹاس کے دوران بھارتی ٹیم کی کپتان نے پاکستانی کپتان فاطمہ ثنا سے مصافحہ نہیں کیا۔
ویمنز کرکٹ ورلڈ کپ میں پاک بھارت میچ بارش سے متاثر ہونے کا خدشہ ہے، میچ کے دوران بھی کبھی ہلکی اور کبھی تیز بارش کا امکان ہے۔
واضح رہے کہ کولمبو میں گزشتہ روز بھی مسلسل بارش کا سلسلہ جاری رہا تھا جس کے باعث سری لنکا اور آسٹریلیا کے درمیان میچ ختم کر دیا گیا تھا۔