انقرہ(پاک ترک نیوز )ترک وزیر خارجہ حاقان فیدان نے کہا ہے کہ یمنی حوثیوں کے جاری حملوں کے باعث سعودی عرب کو کچھ عسکری ضروریات پیش آ سکتی ہیں، جن کا جائزہ پاکستان کے ساتھ مکہ معاہدے کے تحت لیا جائے گا۔
ترک وزیر خارجہ نے کہا کہ سعودی عرب کی عسکری ضروریات کا جائزہ پاکستان کے ساتھ مکہ معاہدے کے تحت لیا جائے گا۔
حاقان فیدان کے مطابق یمن میں جنگ کے خاتمے کے لیے تمام فریقین تک تجاویز پہنچا دی گئی ہیں، جبکہ سعودی عرب کو امریکا اور ایران کے درمیان جاری جنگ کا حصہ بنانا ناقابل قبول ہے۔
انہوں نے کہا کہ مشرق وسطیٰ کا بحران اب معاشی طور پر ناقابل برداشت ہوچکا ہے اور خطے میں جاری کشیدگی کے اثرات پوری دنیا پر مرتب ہو رہے ہیں۔
ترک وزیر خارجہ نے مزید بتایا کہ ترکی نے یوکرین اور روس کو بھی بحیرہ اسود میں لڑائی ختم کرنے کی پیشکش کی ہے۔
