کاکول ( پاک ترک نیوز) پاکستان ملٹری اکیڈمی کاکول میں پاسنگ آؤٹ پریڈ ہوئی۔
ایئر چیف مارشل ظہیر احمد بابر سدھو مہمان خصوصی تھے ۔انٹیگریٹڈ کورس ،پندرہوں مجاہد کورس، لیڈی کیڈٹ کورس ،پی ایم اے لانگ کورس ، ٹیکنکیکل گریجویٹ کورس کے کیڈٹس پاس آؤٹ ہوئے ۔
عراق ،فلسطین ،مالدیپ ،سری لنکا کے تیس کیڈٹس بھی شامل تھے۔کیڈٹس نے مہمان خصوصی کو سلامی دی اور وطن سے وفاداری کا حلف اٹھایا،بہترین کارکردگی پر کیڈٹس کو انعامات سے نوازا گیا۔
کاکول مین پاسنگ آؤٹ پریڈ کی تقریب سے خطاب میں ایئر چیف مارشل ظہیر احمد بابر سدھو کا کہنا تھا کہ پاکستان پر کسی بھی جارحیت کا منہ توڑ جواب دیں گے۔معرکہ حق اور بنیان المرصوص میں پاک فوج کی حکمت عملی پوری دنیا نے دیکھی مئی میں دشمن پاکستان کی طاقت اور ہنر مندی دیکھ کردنگ رہ گیا۔،پاکستان ایئر فورس نے نہ صرف دشمن کے جہاز گرائے بلکہ تاریخ رقم کی۔ ایئر چیف نے کہاسیاسی اور عسکری قیادت عالمی سطح پر امن کے لیے قیام کیلئے قابل ستائش ہے۔پاکستان مذاکرات پر یقین رکھنے والاپرامن ملک ہے۔مسئلہ کشمیر یو این قرارداد اورعوامی امنگوں کے مطابق حل ہونا چاہیئے۔ ۔ کیڈٹس کی بنیادی ذمہ داری ملک کی سلامتی کو یقینی بنانا ہے۔
