اسلام آباد (پاک ترک نیوز )نائب وزیراعظم و وزیر خارجہ محمد اسحاق ڈار نے کویت کے وزیر خارجہ شیخ جراح جابر الاحمد الصباح سے ٹیلی فونک گفتگو کی۔
دونوں رہنماؤں نے پاکستان اور کویت کے درمیان دوطرفہ تعلقات، باہمی دلچسپی کے امور اور خطے کی صورتحال پر تبادلہ خیال کیا۔
اس موقع پر دونوں جانب سے پاکستان اور کویت کے درمیان قریبی اور برادرانہ تعلقات کو مزید مستحکم بنانے کے عزم کا اظہار کیا گیا۔
نائب وزیراعظم اسحاق ڈار نے زور دیا کہ مذاکرات اور سفارت کاری ہی پائیدار امن و استحکام کے حصول کا واحد راستہ ہیں۔
انہوں نے کہا کہ اسلام آباد مفاہمت نامے پر اس کی روح کے مطابق مؤثر عمل درآمد کے ذریعے ہی خطے میں پائیدار امن اور استحکام کو یقینی بنایا جا سکتا ہے۔
