اسلام آباد(پاک ترک نیوز ) ترجمان دفتر خارجہ نے کہا ہے کہ مکہ مشترکہ دفاعی معاہدہ پاکستان، ترکیہ اور سعودی عرب کے مشترکہ دفاع اور علاقائی سلامتی کے عزم کا عکاس ہے۔ پاکستان اور سعودی عرب معاہدے کی توثیق کے لیے اپنے مراحل مکمل کر چکے ہیں، جبکہ ترکیہ میں معاہدے کی توثیق کا عمل جاری ہے۔
ترجمان دفتر خارجہ کے مطابق پاکستان ترک پارلیمان میں پیش کیے جانے والے مکہ مشترکہ دفاعی معاہدے کے مسودے کی توثیق کرتا ہے۔ معاہدے کے حوالے سے کوئی خفیہ نکات موجود نہیں، جبکہ اس کی توثیق کے لیے ہر ملک کا اپنا طریقہ کار ہے۔
ترجمان نے واضح کیا کہ پاکستان اور سعودی عرب اپنا توثیقی طریقہ کار مکمل کر چکے ہیں، جبکہ ترکیہ اپنی پارلیمان سے معاہدے کی توثیق کروا رہا ہے۔ پاکستان معاہدے کے اس مسودے کو تسلیم کرتا ہے جو منظر عام پر آ چکا ہے۔
دفتر خارجہ کے مطابق مکہ مشترکہ دفاعی معاہدہ مشترکہ دفاع، دفاعی باز اور علاقائی سلامتی کا مظہر ہے۔ معاہدے کی شقیں کسی تیسرے ملک کے خلاف نہیں بلکہ مشترکہ دفاع کے لیے ہیں۔
ترجمان نے مزید کہا کہ کسی بیرونی جارحیت کی صورت میں تینوں ممالک باہمی مشاورت اور غور و خوض کے بعد مشترکہ فیصلہ کریں گے۔
