اسلام آباد (پاک ترک نیوز ) حکومت سے مذاکرات ناکام ہونے پر پٹرول پمپ اونرز ایسوسی ایشن نے کل سے ملک گیر ہڑتال کا اعلان کر دیا ۔
وائس چیرمین پٹرول پمپ اونرز ایسوسی ایشن نعمان بٹ کاکہنا ہے کل رات 12 بجے سے ملک بھر کے تمام پٹرول پمپ بند کردیےجائینگے ۔پٹرول پمپ غیر معینہ مدت تک بند رہیں گے،
نعمان بٹ نے کہا روزانہ کی بنیاد پر پیٹرولیم مصنوعات کی قیمتوں میں تبدیلی کسی صورت قبول نہیں۔ حکومت کے پیٹرولیم مصنوعات کی قیمتوں کے نئے نظام کو مسترد کرتے ہیں۔
نعمان بٹ نے کہا او ایم سیز کے ساتھ ریٹ طے کرنے سے قبل تمام اسٹیک ہولڈرز کو اعتماد میں لیا جائے، ملک بھر کے تقریباً 15 ہزار پیٹرول پمپ مالکان شدید تحفظات کا شکار ہیں
