اسلام آباد ( پاک ترک نیوز) نائب وزیراعظم و وزیر خارجہ اسحاق ڈار نے چین اور نیپال میں حالیہ سیلاب اور لینڈ سلائیڈنگ کے نتیجے میں قیمتی جانوں کے ضیاع پر گہرے دکھ اور افسوس کا اظہار کیا ہے۔اسحاق ڈار نے کہا کہ قدرتی آفات کے باعث متعدد افراد جاں بحق جبکہ کئی تاحال لاپتا ہیں۔ پاکستان مشکل کی اس گھڑی میں چینی اور نیپالی عوام کے ساتھ مکمل یکجہتی کا اظہار کرتا ہے۔
یہ بھی پڑھیں: اسحاق ڈار کا ترک وزیر خارجہ خاقان فیدان سے ٹیلیفونک رابطہ
نائب وزیراعظم نے کہا کہ پاکستان کی جانب سے چین اور نیپال کو ہر ممکن تعاون اور مدد کی پیشکش کی گئی ہے۔اسحاق ڈار نے جاں بحق افراد کے اہلخانہ سے دلی تعزیت کا اظہار کرتے ہوئے ریسکیو ٹیموں کی انتھک خدمات کو خراج تحسین بھی پیش کیا
