اسلام آباد ( پاک ترک نیوز) ترجمان دفتر خارجہ نے افغانستان میں دہشت گردوں کے خلاف ٹارگٹڈ کارروائیوں سے متعلق بھارتی بیان مسترد کردیا ، ،ترجمان دفتر خارجہ کا کہناہے بھارتی وزارت خارجہ کا بیان مضحکہ خیز ہے۔
ترجمان دفتر خارجہ کے مطابق بیان ایسے ملک کی طرف سے دیا گیاجس نے پڑوسی ممالک کی خودمختاری اور علاقائی سالمیت میں مداخلت کی، بھارت نےاقوام متحدہ کی قراردادوں کی خلاف ورزی کرتے ہوئے کشمیریوں کے حق خودارادیت کو دبا رکھا ہے۔
یہ بھی پڑھیں: ون کانسٹیٹیوشن ایونیو اسلام آباد کا معاملہ ،نیب افسر کی سربراہی میں جے آئی ٹی تشکیل
ترجمان دفتر خارجہ نے کہا بھارت پاکستان کے خلاف افغان سرزمین سے سرگرم دہشت گرد گروہوں کی مدد اور سرپرستی کرتا رہا ہے، پاکستان کے خلاف بھارت کے بے بنیاد اور اشتعال انگیز بیانات کو برداشت نہیں کیا جائےگا، پاکستان اپنے شہریوں کے تحفظ اور سلامتی کو برقرار رکھنے کے لیے تمام مناسب اقدامات کرتا رہے گا۔
