کوئٹہ (پاک ترک نیوز ) بلوچستان میں مذہبی امور کا محکمہ ختم کردیا گیا ، محکمہ مذہبی امور ختم کرنے کا نوٹی فیکیشن محکمہ نظم ونسق نے جاری کیا ۔
بلوچستان کابینہ چند ماہ پہلے اس محکمے کو ختم کرنے کی منظوری دے چکی تھی۔ محکمے کے 1237 ملازمین کی خدمات کمشنرز اور ڈپٹی کمشنرز کے سپرد کر دی گئیں ۔
بلوچستان حکومت کے مطابق محکمے کی پراپرٹی، گاڑیوں، دفاتر محکمہ ریونیو کے حوالے کر دیئے گئے ۔محکمےکے پاس موجود 4 ارب روپے انڈومنٹ فنڈ کو منتقل کیے گئے۔
