واشنگٹن ( پاک ترک نیوز) فٹبال ورلڈ کپ 2026 کا آغاز شمالی امریکا میں تاریخی افتتاحی تقریبات سے ہوگا، جو پہلی بار تین میزبان ممالک امریکا ،میکسیکو ،کینیڈا میں منعقد کی جائیں گی۔
اس بار ورلڈ کپ میں ریکارڈ 104 میچز کھیلے جائیں گے جو 16 مختلف شہروں میں ہوں گے۔ ٹورنامنٹ کا آغاز 11 جون کو میکسیکو میں پہلے میچ سے ہوگا جبکہ فائنل 19 جولائی کو نیویارک سٹیمیں کھیلا جائے گا۔
تینوں ممالک میں منعقد ہونے والی افتتاحی تقریبات ایک مشترکہ تھیم کے تحت ہوں گی، تقریبات ہر میزبان ملک کے افتتاحی میچ سے 90 منٹ قبل شروع ہوں گی۔
میکسیکو کی تقریب روایتی "پاپیل پیکاڈو” آرٹ جبکہ امریکا کی تقریب ایک چمکتے ہوئے ورلڈ کپ ٹرافی کے تصور کے گرد گھومے گی۔
میکسیکو کی تقریب میں میکسیکن ثقافت، مقامی قبائلی فنکاروں، روایتی لوک رقص اور پاپیل پیکاڈو آرٹ کو نمایاں کیا جائے گا۔عالمی شہرت یافتہ گلوکارہ شکیرا اور برنا بوائے کی پرفارمنس بھی متوقع ہے،الیخاندرو فرنانڈیز، بیلنڈا، ڈینی اوشن ، جے بالون ، لیلا ڈاؤنز بھی فن کا مظاہرہ کریں گے
کینیڈا کی تقریب ٹورنٹو اسٹیڈیم میں بوسنیا و ہرزیگووینا کے خلاف میچ سے قبل ہوگی۔تقریب کا آغاز ایک خصوصی کاؤنٹ ڈاؤن سے ہوگا جو ناظرین کو پورے کینیڈا کے سفر پر لے جائے گا اور ملک کے مختلف علاقوں کی ثقافتی جھلکیاں پیش کرے گا۔تقریب میں نامور فنکار پرفارم کریں گے۔انیس جولائی کو فائنل کے موقع پر گلوکارہ شکیرا اور میڈونا کی پرفارمنس ہوگی
