کابل (پاک ترک نیوز )دہشتگردانہ سوچ اورانتہاپسندانہ پالیسیوں کے باعث افغان طالبان رجیم آج بھی عالمی تنہائی کاشکار ہو گئے ۔قابض افغان طالبان رجیم پر عالمی اعتراضات میں اضافہ،انسانی حقوق کی تنظیمیں رجیم کیخلاف میدان میں آگئیں
انٹرنیشنل فیڈریشن فارہیومن رائٹس سمیت82 دیگرعالمی تنظیموں نے طالبان وفدکےجون میں ممکنہ دورہ برسلز پراظہارتشویش کیا ہے
انسانی حقوق کی تنظیموں نے یورپی یونین سے افغان طالبان کیساتھ سیاسی و سفارتی روابط قائم نہ کرنے کا زوردار مطالبہ کیا ہے
تنظیموں نے زور دیا کہ طالبان افغانستان کے عوام کے نمائندہ نہیں اور نہ ہی کسی بھی شراکتی یا نمائندہ عمل کے تحت اقتدار میں آئے ہیں۔عالمی عدالت انصاف نے صنفی مظالم پر دو سینیئر طالبان رہنماؤں کے وارنٹ جاری کر رکھے جبکہ متعدد ارکان یورپی یونین کی پابندیوں کی فہرست میں شامل ہیں
تنظیموں کے مطابق یورپی سرزمین پر طالبان سے سرکاری رابطہ سنگین قانونی و سیاسی مضمرات کا حامل ہوگا، جس سے ان کی غیر قانونی حکومت تسلیم کرنے کا امکان بڑھ جائے گا
ماہرین کے مطابقغیر منتخب طالبان رجیم کو اسپیس دینا افغانستان کے کروڑوں لوگوں کی آواز دبانے کے مترادف ہوگا۔افغان عوام بالخصوص خواتین کو بنیادی حقوق کی فراہمی اور عالمی وعدوں کی تکمیل تک افغان طالبان رجیم کو تسلیم نہیں کیا جاسکتا
