اسلام آباد ( پاک ترک نیوز) ایف بی آر نے تمام ٹیکس افسروں اور ملازمین کو آٹھ جولائی تک اپنے اور اپنے زیر کفالت افراد کی غیر ملکی شہریت، غیر ملکی سفری دستاویزات اور غیر ملکی شہریوں سے شادی سے متعلق معلومات جمع کرانے کی ڈیڈ لائن دے دی۔
سرکلر میں کہا گیا ہے رول 3(3) کے تحت مقررہ فارم تمام افسران اور اہلکاروں کو فراہم کر دیا گیا۔ تمام افسران و اہلکاروں کو ہدایت کی ہے کہ وہ نئے قواعد کا بغور مطالعہ کریں اور مقررہ مدت کے اندر مطلوبہ معلومات فراہم کرکے قوانین پر مکمل عملدرآمد یقینی بنائیں۔
حکام کے مطابق اس اقدام کا مقصد سرکاری ملازمین کے حوالے سے غیر ملکی شہریت اور وابستگیوں کے بارے میں شفافیت کو فروغ دینا اور متعلقہ قواعد و ضوابط پر مؤثر عملدرآمد کو یقینی بنانا ہے۔
