اسلام آباد ( پاک ترک نیوز) نائب وزیراعظم اسحاق ڈار کہتے ہیں پاکستان میں امت مسلمہ کو لیڈ کرنے کی صلاحیت ہے ،امریکا ،ایران جنگ میں اللہ تعالیٰ نے پاکستان سے کام لیا،آج دنیا میں پاکستان کا نام چمک رہا ہے۔ پاکستان نے47سال بعد ایران اور امریکا کومذاکرات کی میز پربٹھایا۔
نائب وزیراعظم اسحاق ڈار نے لاہور میں میڈیا سے گفتگو میں کہا پاکستان نے ثالثی کا کردار ادا کر کے خطے میں قیام امن یقینی بنایا ۔آج دنیا پاکستان کو پیس میکر کے نام سے جانتی ہے۔ وزیراعظم اور فیلڈ مارشل نے امن کے لیے دن رات کوششیں کیں۔ جوعزت پاکستان کواب ملی ہےپوری قوم اس پرشکرگزارہے
اسحاق ڈار نے کہا معرکہ حق کے بعد دنیاپاکستان کی صلاحیتوں کی معترف ہوگئی ، پاکستان کوتنہا کرنے کاخواب دیکھنے والوں کورسوائی کاسامناہے، جوکوئی پاکستان کوبری نظر سے دیکھے گااس کی آنکھیں نکال دینگے۔
یہ بھی پڑھیں: عمان میں غیر ملکی جائیداد مالکان کے لیے رہائشی قوانین آسان
نائب وزیراعظم نے کہا ذوالفقارعلی بھٹوسےلیکرنوازشریف تک سب نےایٹمی پروگرام کیلئے کرداراداکیا۔ پاکستان ذمہ دار ایٹمی قوت ہے،اب ہم نے معاشی قوت بننا ہے۔ ماضی کےمنفی فیصلوں کی وجہ سےپاکستان کی معاشی ترقی کونقصان پہنچا۔ وزیراعظم کوگزشتہ دورکےمنفی معاشی فیصلوں کوٹھیک کرنےمیں وقت لگا ۔ پاکستان اب دن بدن ترقی کی راہ پرگامزن ہے
