لاہور( پاک ترک نیوز) ٹیکنالوجی کی دنیا میں ایک بار پھر ہلچل مچ ، ایپل اپنے نئے آئی فون 18 پرو میکس کے ساتھ ایسی جدت متعارف کروانے جا رہا ہے جو اسمارٹ فون فوٹوگرافی کو ایک نئے دور میں داخل کر سکتی ہے۔
دونوں ماڈلز میں LTPO سپر ریٹینا XDR OLED ڈسپلے موجود ہے، جس میں سام سنگ کا M16 OLED پینل استعمال کیا گیا ہے، جو شاندار برائٹنس، رنگوں کی درستگی اور توانائی کی بچت فراہم کرتا ہے۔
پرو میکس میں 6.9 انچ کا بڑا ڈسپلے ہے جبکہ پرو ماڈل 6.3 انچ اسکرین کے ساتھ آتا ہے۔ باریک بیزلز اور چھوٹے ڈائنامک آئی لینڈ کی بدولت ڈیزائن مزید سلیک اور دلکش ہو گیا ہے۔
پرو میکس میں 200 میگا پکسل پیری اسکوپ کیمرہ دیا گیا ہے جو زبردست زوم کی صلاحیت رکھتا ہے، جبکہ بڑا 1/1.12 انچ سینسر کم روشنی میں بہترین کارکردگی دیتا ہے۔پرو ماڈل میں ٹرپل کیمرہ سیٹ اپ شامل ہے۔
دونوں ماڈلز میں ویری ایبل اپرچر ٹیکنالوجی شامل ہے، جو روشنی اور ڈیپتھ آف فیلڈ پر بہتر کنٹرول فراہم کرتی ہے، جس سے پروفیشنل لیول فوٹوگرافی ممکن ہوتی ہے۔
بے مثال کارکردگی
یہ ڈیوائسز A20 پرو چپ سے لیس ہیں، جو 2 نینو میٹر ٹیکنالوجی پر مبنی ہے اور شاندار رفتار اور توانائی کی بچت فراہم کرتی ہے۔
12 جی بی ریم اور پرو میکس میں 2 ٹی بی تک اسٹوریج کے ساتھ صارفین آسانی سے ملٹی ٹاسکنگ کر سکتے ہیں۔ایپل کا C2 موڈیم کنیکٹیویٹی کو مزید بہتر بناتا ہے۔
پرو میکس میں 5200 mAh جبکہ پرو میں 4300 mAh بیٹری دی گئی ہے۔A20 پرو چپ کی کارکردگی کے ساتھ یہ ڈیوائسز پورا دن بھرپور استعمال کے باوجود بہترین بیٹری لائف فراہم کرتی ہیں۔
دونوں ماڈلز 5G، وائی فائی 7، بلوٹوتھ 6 اور الٹرا وائیڈ بینڈ سپورٹ کرتے ہیں۔سیٹلائٹ کمیونیکیشن کی مدد سے صارفین دور دراز علاقوں میں بھی کال کر سکتے ہیں جہاں موبائل سگنل دستیاب نہ ہوں۔
آئی فون فولڈ ایپل کی جانب سے فولڈ ایبل مارکیٹ میں ایک بڑی پیش رفت ہے۔اس میں 5.5 انچ بیرونی ڈسپلے اور 7.8 انچ اندرونی فولڈنگ OLED اسکرین دی گئی ہے، جو کم سے کم کریز کے ساتھ ہموار تجربہ فراہم کرتی ہے۔یہ ڈیوائس بھی A20 پرو چپ، 12 جی بی ریم اور 2 ٹی بی تک اسٹوریج کے ساتھ آتی ہے۔
آئی فون 18 سیریز میں ڈارک چیری ،لائٹ بلیو ۔ڈارک گرے،سلور رنگ ہوں گے ،کچھ رپورٹس کے مطابق اس سال بلیک رنگ دستیاب نہیں ہوگا۔ آئی فون 18 پرو کی متوقع قیمت 1099 امریکی ڈالر ،آئی فون 18 پرو میکس کی 1199 امریکی ڈالر ہو سکتی ہے،آئی فون فولڈ کی قیمت دو ہزار ڈالر رکھی جائے گی،اس کی لانچنگ ستمبر دو ہزار چھبیس میں ہو گی ۔
آئی فون 18 سیریز آئی او ایس ستائیس کے ساتھ متعارف ہوں گے جن میں جدید اے آئی فیچرز شامل ہوں گے۔
آئی فون 18پرومیکس میں نئی ٹیکنالوجی،دنیا میں دھوم مچ گئی
