دبئی: (پاک ترک نیوز)انٹرنیشنل کرکٹ کونسل نے بھارت اور سری لنکا میں 7 فروری سے شروع ہونے والے T20 ورلڈ کپ کی کورنگ کے لیے بنگلہ دیشی صحافیوں کی درخواستیں مسترد کر دی ہیں
بنگلہ دیش کرکٹ بورڈ کے میڈیا کمیٹی کے چیئرمین امزاد حسین نے تصدیق کی کہ اس سال بنگلہ دیش سے تقریباً 130 سے 150 صحافیوں نے درخواستیں دی تھیں، مگر کسی کو بھی اکریڈیٹیشن نہیں ملی۔
انہوں نے کہا:“جہاں تک مجھے معلوم ہے، تمام بنگلہ دیشی صحافیوں کی درخواستیں مسترد ہو گئی ہیں۔ اس سال تقریباً 130 سے 150 صحافیوں نے درخواستیں دی تھیں، مگر کسی کو بھی اکریڈیٹیشن نہیں ملی۔”
یہ فیصلہ اس کے چند دن بعد آیا جب آئی سی سی نے بنگلہ دیش کی جگہ گروپ C میں اسکاٹ لینڈ کو شامل کر دیا، اس کے بعد بی سی بی نے حفاظتی وجوہات کی بنا پر اپنے میچ بھارت سے سری لنکا منتقل کرنے کی درخواست کی تھی۔
بنگلہ دیشی میڈیا کے مطابق کچھ فوٹو جرنلسٹ ابتدائی طور پر 20 اور 21 جنوری کو آئی سی سی کی جانب سے منظوری کے ای میلز موصول ہوئے تھے، لیکن بعد میں ان کی اکریڈیٹیشنز واپس لے لی گئیں۔
بنگلہ دیش سپورٹس جرنلسٹس ایسوسی ایشن (BSJA) کے صدر عارف الرحمن بابو نے اس مکمل مستردگی پر حیرت کا اظہار کیا اور وضاحت کا مطالبہ کیا۔انہوں نے کہا:“اگر کسی ٹیم کا کھیلنا نہیں بھی ہے، ICC کے ایسوسی ایٹ ممبر ملک کے صحافیوں کو پھر بھی اکریڈیٹیشن ملنی چاہیے۔ میں حیران ہوں اور اس فیصلے کی سخت مخالفت اور احتجاج کرتا ہوں۔
آئی سی سی نے بنگلہ دیشی صحافیوں کی T20 ورلڈ کپ کورنگ کی درخواستیں مسترد کر دیں
