لاہور( پاک ترک نیوز) لاہور کے علاقے اچھرہ میں ٹیوشن سینٹر میں بارہ سالہ بچی کی ہلاکت کی تحقیقات جاری ہیں ۔ ٹیوشن سینٹر کے مالک رؤف کے بعد اس کی دو بیٹیوں کو بھی حراست میں لے لیا گیا ،پولیس کی تینوں سے تفتیش جاری ہے۔
پوسٹ مارٹم رپورٹ ک مطابق لڑکی کی موت گلے میں پھندا لگنے سے ہوئی ،طالبہ کے گلے پر رسی کے پھندے کے واضح نشانات ، تشدد یا زبردستی کا کوئی نشان نہیں ملا ۔
پولیس کے مطابق واش روم کا دروازہ لاک نہیں تھا ، ہلاک ہونے والی نعیمہ کی چھوٹی بہن نے سب سے پہلے واش روم کا دروازہ کھولا ۔دروازہ نہ کھلنے پر بڑی بہن نے آکر دروازہ کھولا تو نعیمہ کی لاش دیکھی ۔ جائے وقوعہ سے فنگر پرنٹس سمیت دیگر شواہد فرانزک لیبارٹری بھجوا دیے گئے۔
یہ بھی پڑھیں: غیر ملکی خواتین کے ساتھ زیادتی کا کیس ،بیان حلفی میں خاتون کے اہم انکشافات
پولیس ک مطابق حتمی رائے فرانزک اور کیمیکل ایگزامینر رپورٹس موصول ہونے کے بعد دی جائے گی، کیس کے حوالے سے مزید تفتیش جاری ہے۔تفتیش میں مزید حقائق سامنے آئیں گے۔
