اسلام آباد (پاک ترک نیوز )ملک میں ہفتہ وار بنیادوں پر مہنگائی کی شرح میں 0.91 فیصد اضافہ ریکارڈ کیا گیا۔ادارہ شماریات نے ہفتہ وار مہنگائی کے اعداد و شمار جاری کر دیئے۔
ادارہ شماریات کے مطابق سالانہ بنیادوں پر مہنگائی بڑھنے کی مجموعی شرح 9.66 فیصد تک پہنچ گئی،رواں ہفتے کے دوران 22 اشیائے ضروریہ کی قیمتوں میں اضافہ ریکارڈ کیا گیا۔
ادارہ شماریات کے مطابق رواں ہفتے 8 اشیاء کی قیمتوں میں کمی اور 21 اشیاء کی قیمتیں مستحکم رہیں، ایک ہفتے میں ٹماٹر کی قیمت میں سب سے زیادہ 39.92 فیصد کا بڑا اضافہ ہوا۔
ادارہ شماریات کےمطابق رواں ہفتے ڈیزل 15.87 فیصد اور پیٹرول 5.23 فیصد مہنگا ہو گیا، ہفتہ وار بنیادوں پر انڈے 7.31 فیصد اور آلو کی قیمت میں 3.70 فیصد اضافہ ریکارڈ کیا گیا۔
یہ بھی پڑھیں: پٹرول مہنگا ہونے پر عوام پر مہنگائی کا وار ،تنخواہ وہی ،خرچے دوگنے ،عوام کہاں جائیں
ادارہ شماریات کے مطابق ایل پی جی کی قیمت میں 0.91 فیصد اور تیار دال کی قیمت میں 0.72 فیصد اضافہ ریکارڈ کیا گیا۔ایک ہفتے میں زندہ مرغی کی قیمت میں 4.66 فیصد کی کمی ہوئی۔
ادارہ شماریات کے مطابق رواں ہفتے کیلے 1.72 فیصد، دال مونگ 1.08 فیصد اور دال ماش 1.07 فیصد سستی ہوئیں،سالانہ بنیادوں پر ٹماٹر کی قیمت میں 253.04 فیصد کا ہوشربا اضافہ ریکارڈ کیا گیا۔
ادارہ شماریات کے مطابق ایک سال میں پیاز 81.55 فیصد اور آٹا 74.13 فیصد مہنگا ہوا،گزشتہ سال کے مقابلے میں ایل پی جی 46.87 فیصد اور ڈیزل 31.92 فیصد مہنگا ہوا، سالانہ بنیادوں پر بجلی کے نرخوں میں 22.79 فیصد اضافہ ریکارڈ کیا گیا۔
ادارہ شماریات کے مطابق گزشتہ ایک سال میں آلو 32.69 فیصد اور چنا دال 21.48 فیصد سستی ہوئیں۔سالانہ بنیادوں پر چینی کی قیمت میں 17.67 فیصد اور چکن کی قیمت میں 13.73 فیصد کمی ریکارڈ کی گئی۔
