اسلام آباد ( پاک ترک نیوز) پٹرولیم مصنوعات کی قیمتوں میں آئندہ تین روز کیلئے اضافہ کر دیا گیا ، ڈیزل 31روپے 5پیسے فی لٹر مہنگا ہو گیا ،نئی قیمت 354روپے 35پیسے فی لٹر مقرر کر دی گئی۔ پٹرول کی قیمت میں 5روپے 44پیسے فی لٹر کا اضافہ کیا گیا۔ نئی قیمت 316روپے 15پیسے فی لٹر ہوگئی۔
پیٹرول اور ڈیزل کی قیمتوں میں اضافے کا نوٹیفکیشن پیٹرولیم ڈویژن نے جاری کیا۔۔ نئی قیمتوں کا اطلاق 20 جولائی تک رہے گا۔
یہ بھی پڑھیں: پیٹرولیم پرائس ڈی ریگولیشن پالیسی مسترد ،پیٹرول پمپ اونرز ایسوسی ایشین کا اعلان
ادھر پٹرولیم مصنوعات کی قیمتوں میں اضافے پر شہری پھٹ پڑے کہتے ہیں مہنگائی نے پہلے ہی جینا دوبھر کر رکھا ہے۔۔ مزید بوجھ برداشت نہیں کر سکتے۔۔ حکومت قیمتوں میں اضافے کی بجائے قیمتوں میں کمی کرے۔
